Posts Tagged With: SJ du Toit

DIE DOLLA VAN LOSKOP DOLLA


bokkieDIE DOLLA VAN LOSKOP DOLLA

SY WOON NOU IN HUIS LETTIE THERON

Baardscheerdersbos, die bakermat van Strandveld se tradisionele liedjies, het talle begaafde musikante opgelewer. Baie van hulle het op ’n besondere instrumente op een of ander tyd in die kalklig gekom.

Wyle Ben Benade het in sy boek : Die Baardscheersbos orkes: 10 jaar, skryf onderhoudend van daardie toeka se dae. Die musiek en die ontstaan van geliefde Afrikaanse liedjies, wat deesdae  nie deur baie onthou word nie, wat nog gesê gesing word.

Oom Hendrik Groenewal (later bekend as Oom Snoekies) het in daardie laat 1920s en 1930s bekend geraak vir sy konsertina-spel. Hy het ’n eie besondere ritme-aanslag gehad. Sy komposisies kon ’n man se voete dit eenvoudig net nie hou nie – jy moes dans.

Oom Snoekies se dogter het in daardie dae bekendheid verwerf deur ’n rol te speel in een van sy bekendste liedjies :  Bokkie.

Hier volg die storie van Tanie Doll Groenewald van Huis Lettie Theron, woonstel 25. Sy is op Baardskeerdersbos gebore en het later op Gansbaai gewoon .

Susanna Magdalena Maria (“Doll”) Groenewald, is gebore in die vroeë lente van 1928. Haar moeder het haar “Dollie” genoem wat later Doll geword het.

Op 4 of 5 jarige ouderdom het sy saam met die familie gereeld by Uilenkraalsmond gaan uitkamp. In die kwaai Desember-winde en met seewater en sand, het Doll se hare wat pal deurmekaar was, haar min gepla. Haar kam het tuis vergete gebly.

Wanneer haar pa, oom Snoekies Groenewald en oom Smallie musiek maak, het sy nader getrippel om te luister. Toe laasgenoemde Doll se deurmekaar hare sien, sing hy ewe spontaan, ‘Nee, ek vry nie met ’n loskop dol nie. Hy het dit gereeld herhaal en algaande nuwe woorde bygevoeg wat onder andere ‘die trane die rol oor jou bokkie’ ingesluit net.

Eers was sy baie kwaad omrede haar deurmekaar hare so gruwelik misbruik is, maar die wysie en woorde het inslag gevind en ’n paar jaar later het almal in die Strandveld dit gesing. Doll was later baie trots daarop dat sy dié Dolla van dié liedjie was!

Dit dan is die verhaal van ’n werklike Dolla uit die “loskop Dolla” van e “Bokkie”. As kinders het hulle dit baie gesing. Die woordjie “vry” moes hulle vir die groot mense se onthalwe na “lol” verander. Dit het egter nie verhoed dat hulle, wanneer die geleentheid hom voordoen, die woorde “loskop tolla” in die plek van “loskop Dolla” gesing het nie.

Dat dié liedjie vinnig en wyd en syd versprei het, was geensins iets buitengewoons nie. Mense het van heinde en verre Uilenskraalmond as seebadsplek besoek – vakansiegangers uit al vier provinsies van die destydse Unie van Suid-Afrika.

Hier volg die amptelike woorde van die liedjie:

BOKKIE

Die trane die rol oor jou Bokkie  (2x)

Dis daar waar die son en die maan ondergaan

Bokka ons moet nou huis toe gaan.

Nee, nee, nee my Dolla nee

Nee my Dolla Nee

Nee, my Dolla Nee

Nee, nee, nee my Dolla nee

Ek lol nie met ’n loskop Dolla nie.

 

sj_du_toit

 

Geskryf deur : Esje du Toit

Advertisements
Categories: Hermanus, Hermanus Stories | Tags: , , , , , , , | Leave a comment

Create a free website or blog at WordPress.com.